Ամերիկյան դեղագործական Pfizer Inc եւ BioNTech SE գերմանական կենսատեխնոլոգիական ընկերությունները 1․95 միլիարդ դոլար կստանան ԱՄՆ-ի կառավարությունից՝ կորոնավիրուսի դեմ պատվաստանյութի 100 միլիոն դեղաչափի արտադրության եւ մատակարարման համար, հայտնում է Reuters- ը:
Պայմանագիրն ԱՄՆ կառավարությանը թույլ է տալիս լրացուցիչ 500 միլիոն դեղաչափ ձեռք բերել, նշվում է առողջապահության եւ սոցիալական ծառայությունների եւ պաշտպանության նախարարության համատեղ հայտարարության մեջ:
Պատվաստանյութի ստեղծումը վճռական քայլ է համարվում համավարակի դեմ պայքարում, եւ ամբողջ աշխարհի կառավարությունները պայմանագրեր են կնքում դեղամիջոցներ արտադրողների հետ՝ նրանց պատվաստանյութերը ձեռք բերելու համար։
Pfizer-ի բաժնետոմսերը OTC աճուրդներում աճել են 4 տոկոսով, իսկ ԱՄՆ-ում վաճառվող BioNTech-ի բաժնետոմսերը՝ մոտ 6 տոկոսով:
