Երեկ գիշերը Երևանի բազմաբնակարան շենքերից մեկի պատուհանից դուրս է նետվել երիտասարդ կին:Հիվանդանոց տանելու ճանապարհին նա մահացել է բազմակի վնասվածքներից: Մեր տեղեկություններով, նա ընդամենը 24 տարեկան էր: Ոստիկանությունից հաստատեցին տեղեկությունը:
«Հուլիսի 17-ին, ժամը 07:40-ին Միքայելյան Բ/Կ-ից ոստիկանություն հաղորդում է ստացվել, որ մահացած վիճակում իրենց մոտ է տեղափոխվել 1996թ. ծնված քաղաքացի( կին): Նշանակվել է դատաբժշկական փորձաքննություն: Կատարվում է նախաքննություն», — «Հրապարակին» հաղորդեց Ոստիկանության հասարակայնության հետ կապի եւ լրատվության վարչության պետի տեղակալ Էդգար Ջանոյանը:
Մեր աղբյուրը հաղորդում է, որ կատարվածը ամենայն հավանականությամբ ինքնասպանություն է: ԿինN ընդամենը 5 օր առաջ էր ծննդաբերել: Դեպքով զբաղվում է քննչական կոմիտեն:
