Իտալիայի՝ կորոնավիրուսի համաճարակի բռնկման կենտրոնում հայտնված Լոմբարդիա մարզի Բերգամո քաղաքի հիմնական հիվանդանոցում փետրվարի 23-ից ի վեր առաջին անգամ կորոավիրուսով հիվանդներ չեն եղել:
Ինչպես հայտնում է CNN-ը, հիվանդանոցի ներկայացուցիչը հայտնել է, որ հիվանդանոցում այսօր առաջին օրն է, որ «Քովիդ-19»-ով հիվանդներ չեն ունեցել:
Իտալիան կորոնավիրուսի հետևանքով ամենատուժած եվրոպական երկիրն է, որտեղ կորոնավիրուսով պայմանավորված հիվանդությունից մահացել է մոտ 35 000 մարդ: Համաճարակի ողջ ընթացքում ապենինյան երկրում հայտնաբերվել է վարակման ավելի քան 242 հազար դեպք: