Կորոնավիրուս ունեցող բազմաթիվ անձինք, որոնց ֆինանսական հնարավորությունները թույլ են տալիս, անգամ հոսպիտալացման հնարավորություն ունենալու դեպքում խուսափում են հիվանդանոցից և փորձում են բուժվել տանը։
Տեղեկացրել էինք, որ Գագիկ Ծառուկյանը «սիստեմա» է ստանում ԲԿ-ում, ապա տուն գնում։ Որոշ հիվանդներ կամ կասկածներ ունեցողներ գնում թոքերը նկարում են և ուղարկում ծանոթ թոքաբանների։ «Հրապարակի» հետ զրույցում հայտնի թոքաբան Միքայել Նարիմանյանն էլ ասաց, որ թեև ի բուժում Covid, բայց մարդիկ Viber-ով ուղարկում են թոքերի նկարները, նայում է։ «Գազպրոմ Արմենիայի» բարձրաստիճան աշխատակիցներից մեկն էլ, որը շնչահեղձություն է ունեցել, հրաժարվել է հիվանդանոցից և գերադասել գնել ներկայումս խիստ թանկարժեք թթվածնի կոնցենտրատոր։
Նման սարքերի մասին հայտարարություններ նախկինում List.am-ում շատ էին և ավելի շատ տրվում էին վարձով՝ այլ ծանր անկողնային հիվանդների համար, նման հայտարարությունները քչացել են և գինը սկսվում է 330 հազար դրամից։
Աղբյուրը՝ hraparak.am