«Արտաշատի ԲԿ-ում կորոնավիրուսային հիվանդության դեմ բուժում ստացող 55-ամյա հիվանդը, ով ցած էր նետվել հիվանդասենյակի պատուհանից, հաջորդ շաբաթ կվիրահատվի հայտնում է Սբ. Գրիգոր Լուսավորիչ ԲԿ-ի մամուլի խոսնակ Ծովինար Խաչատրյանը։
«Հաջորդ շաբաթ տեղի կունենա վնասվածքաբանական վիրահատություն։ Վիճակը շարունակում է մնալ ծանր։ Գիտակցությունը տեղն է, ունի թոքաբորբ։ Իրականացվում են անհրաժեշտ բոլոր բժշկական գործողությունները, այդ թվում՝ հոգեբանական»,-ասել է Ծովինար Խաչատրյանը։
Նշենք, որ 55-ամյա պացիենտը դեպքից անմիջապես հետո ստորին վերջույթների և ողերի բազմակի կոտրվածքներով տեղափոխվել է Սբ. Գրիգոր Լուսավորիչ ԲԿ։
