Առողջապահության համաշխարհային կազմակերպությունը հայտարարել է, որ երկրների միջև սահմանների բացումից հետո նոր տեսակի կորոնավիրուսի դեպքերի թիվը կավելանա: Այս մասին «Россия-24» հեռուստաալիքին տված հարցազրույցում ասել է Ռուսաստանում կազմակերպության ներկայացուցիչ Մելիտա Վույնովիչը:
Վույնովիչի խոսքով՝ «հնարավոր չէ բացառել» կորոնավիրուսի դեպքերի աճը:
Կորոնավիրուսի առաջին երկու դեպքերը Ռուսաստանում գրանցվել են հունվարի 31-ին՝ Չինաստանի քաղաքացիների մոտ: Մարտի 11-ին Առողջապահության համաշխարհային կազմակերպությունը հայտարարել էր, որ նոր տեսակի կորոնավիրուսը վերածվել է համավարակի:
