Կորոնավիրուսի ռուսական պատվաստանյութը շուտով կանցնի կլինիկական փորձարկումների

Արդեն երկու շաբաթ անց կորոնավիրուսի դեմ Ռուսաստանում մշակված պատվաստանյութը կհասնի կլինիկական փորձարկումների փուլին։ Դրանք կսկսվեն հուլիսի 15-ին, ինչի մասին հայտնել է ռուսական «Վեկտոր» կենտրոնի ղեկավար Ռինատ Մակսյուտովը, փոխանցում է «Գազետան»։

Հետազոտություններին մասնակցելու է 300 կամավոր։ Նրանց մասնակցությամբ պատվաստանյութի փորձարկումները կտևեն մինչև սեպտեմբեր։ Դրական արդյունքների դեպքում կսկսվի պատվաստանյութի գրանցման գործընթացը։

Հիշեցնենք, որ կորոնավիրուսի դեմ պատվաստանյութերի մշակմամբ արդեն ամիսներ շարունակ զբաղվում են բազմաթիվ երկրների հարյուրավոր լաբորատորիաներ։ Սակայն ԱՀԿ կանխատեսմամբ՝ պատվաստանյութի հայտնաբերման համար կարող է անհրաժեշտ լինել մինչև 1-1,5 տարի ժամանակ։