«Զուգարանի թղթի խուճապը» կրկին տարածվել է Ավստրալիայի, մասնավորապես՝ Սիդնեյի և Մելբուռնի բնակիչների շրջանում, գրում է Daily Mail-ը՝ մանրամասնելով, որ դա կապված է երկրում կորոնավիրուսային նոր բռնկման հետ:
Բնակիչները մտավախություն ունեն, որ կառավարությունը վարակի տարածում կանխելու նպատակով կրկին կվերականգնի նախկին սահմանափակումները:
Աղբյուրը նկատում է, որ «զուգարանի թղթի խուճապը» ավստրալացիներին առաջին անգամ պատել էր երեք ամիս առաջ, երբ կարանտինային միջոռացումները նոր էին սահմանվել:
Համացանցի բազմաթիվ օգտատերեր նշել են, որ այս ամենն ուղղակի խենթություն է և որ չարժե զուգարանի թղթի նման պաշարներ կուտակել:
Նշվում է, որ սուպերմարկետները պատրաստվում են սահմանափակել զուգարանի թղթի և մի շարք այլ կարևոր պարագաների վաճառքը, որպեսզի բոլոր գնորդներին բաժին հասնի:
Նշենք, որ Ավստրալիայում գրանցվել է վարակման 7 595դեպք, որից 104-ը՝ մահվան ելքով: