Բուլղարիայի իշխանությունները որոշում են կայացրել կրկին վերադառնալ պարտադիր բժշկական դիմակ կրելու ռեժիմին։ Որոշումը վերաբերում է նաեւ հանրային փակ տարածքներին։ Այս մասին հայտնում է Sofia Globe-ը, վկայակոչելով Բուլղարիայի Առողջապահության նախարար Կիրիլ Անանիեւին։ Այս որոշումը կայացվել է հակահամաճարակային սահմանափակումների խստացման միջոցառումների շրջանակներում, ինչը պայմանավորված է նոր տիպի կորոնավիրուսի տարածման ցուցանիշների կտրուկ աճի հետ։
Հունիսի 7-22 ժամանակահատվածում Բուլղարիայում կորոնավիրուսով վարակման ակտիվ ցուցանիշները ավելացել է 626-ով, ինչը, ըստ Անանիեւի, բժշկական-սանիտարական ցուցումների՝ բնակչության կողմից անտեսելու հետեւանք է։ Սահմանափակումները վերաբերում են նաեւ սոցիալական հեռավորության պարտադիր պահպանմանը եւ զանգվածային միջոցառումների անցկացման արգելքին եւս։
