Ղազախստանում Վրաստանի դեսպան Զուրաբ Աբաշիձեն վարակվել է կորոնավիրուսով: Այս մասին տեղեկացնում է netgazeti.ge կայքը:
Վրաստանի արտգործնախարարության համաձայն՝ Աբաշիձեն բուժում է անցնում ղազախ մասնագետների հսկողության ներքո, վերջիններիս հետ մշտական կապ են պահպանում վրացի բժիշկները:
Ինչպես ավելի վաղ հայտնել էր Tert.am-ը, Ղազախստանի առաջին նախագահ Նուրսուլթան Նազարբաևի մոտ կորոնավիրուս է հաստատվել: Գերատեսչությունում նշել են, որ «անհանգստանալու կարիք չկա», Նազարբաևն այժմ ինքնամեկուսացած է և շարունակում է աշխատել հեռակա ձևաչափով:
Ղազախստանում, վերջին տվյալներով, գրանցվել է կորոնավիրուսով վարակման 16 351 և մահվան 105 դեպք:
Աղբյուրը՝ Tert.am