Թուրքիայի Անկարայի, Ստամբուլի եւ Բուրսայի նահանգապետների գրասենյակները հրապարակել են որոշումներ, որոնց համաձայն, այդ քաղաքների բնակիչների համար բժշկական դիմակ կրելը դառնում է պարտադիր։ Այս մասին հայտնում է Anadolu լրատվական գործակալությունը։ Ավելի վաղ, թուրքական իշխանությունները կարգադրել էին բնակիչներին դիմակներ կրել հանրային վայրերում՝ պետական հաստատություններում, խանութներում եւ տրանսպորտում։ Նման որոշում կայացվել է 81 նահանգներից 42-ում։ Թուրքիայի խոշոր քաղաքներում նման որոշում կայացվել է, հաշվի առնելով, որ կորոնավիրուսային ինֆեկցիայի վարակման դեպքերը աճի դինամիկա են արձանագրել։