Քեմբրիջի և Գրինվիչի գիտնականները պարզել են, որ դիմակների լայն տարածումը արդյունավետ է կորոնավիրուսի տարածման դեմ պայքարում՝ դրա բազային վերարտադրության մակարդակը մեկից ցածր պահելով: Դա թույլ կտա կանխել վարակի երկրորդ ալիքը և հաղթել համաճարակին, ասվում է հոդվածում, որը հրապարակվել է Proceedings of Royal Society A ամսագրում:
Հետազոտողները ցույց են տվել, որ սահմանափակող միջոցները միայնակ չեն օգնի զսպել կորոնավիրուսի կրկնվող բռնկումները: Այնուամենայնիվ, նույնիսկ սահմանափակ արդյունավետությամբ ինքնուրույն ստեղծած դիմակները կարող են զգալիորեն նվազեցնել վարակի փոխանցման արագությունը, եթե բավարար թվով մարդիկ անկախ ախտանիշներից հագնում են դրանք: Եթե դիմակը կրելուն զուգահեռ պահպանվում է սոցիալական հեռավորություն և որոշ սահմանափակիչ միջոցներ, դա կարող է օգնել հաղթահարել համաճարակը և դրա հետևանքով առաջացած տնտեսական ճգնաժամը պատվաստանյութի հայտնվելուց շատ առաջ:
