Եգիպտոսի առողջապահությա ն նախարարությունը հայտնել է երկրում վերջին 1 օրում կորոնավիրուսով վարակման 1577 դեպքի մասին։ Դա ռեկորդային ցուցանիշ է պանդեմիայի սկսվելուց ի վեր։ Այսպիսով՝ Եգիպտոսում վարակակիրների ընդհանուր թիվը գերազանցել է 40 հազարը, փոխանցում է РИА Новости-ն։ Նոր հիվանդներն ի հայտ են բերվել կոնտակտավորների շրջանակից։
Վերջին 1 օրում երկրում կորոնավիրուսից մահացել է 45 մարդ, ընդհանուր՝ 1422։ Առողջացել է 11 108 մարդ։
Վարակակիրների մեծ մասը բաժին է ընկնում հյուսիսային հատվածին՝ Կահիրե, Գիզա, Կալյուբիյա։
Երկրի առողջապահության նախարարությունը կոչ է արել քաղաքացիներին պահպանել անվտանգության կանոններն ու դիմակ կրել։ Կանոնները խախտողներին սպասվում է 2500 ԱՄՆ դոլարի տուգանք։
Մինչև հունիսի վերջ Եգիպտոսում կգործեն կորոնավիրուսով պայմանավորված սահմանափակումները, այդ թվում լողափերն ու այգիները չեն գործի։