ՀՀ Առողջապահության նախարար Արսեն Թորոսյանը «Բաց Հարթակ» հաղորդման ժամանակ պատասխանելով լրագրողի այն հարցին, թե արդյոք կան հիմքեր խոսելու խնամի–ծանոթ-բարեկամ ասվածի մասին առողջապահության ոլորտում, պատասխանել է.
«Ասում են, որ Արսեն Թորոսյանը X հիվանդանոցի տնօրեն է նշանակում իր ընկերոջը, այն դեպքում, երբ ես այդ մարդկանց հետ ծանոթանում եմ իրենց նշանակումից մեկ ամիս կամ մեկ շաբաթ առաջ: Եթե նույնիսկ էդպես է, ապա Հայաստանը փոքր երկիր լինելով ունենալով բժշկական փոքր հանրույթ, տաօրինակ չէ, որ բոլորս իրար ճանաչում ենք: Ես ինձ տարեկից առնվազն հազար բժշկի ճանաչում եմ: Հետևաբար, եթե ես նրանիցից որևէ մեկին որևէ պաշտոնում եմ նշանակում, ինձ մեղադրում են, որ նա իմ մտերիմն է, իմ ընկերն է»:
Նախարարի խոսքով ինքն արդեն ապացուցել է, որ անկախ նշանակման պահին իր հետ ունեցած հարաբաերություններից՝ եթե որևէ մեկը չի համապատասխանում իր պաշտոնին, ապա հեռացվելու է, այդպես է լինելու հավերժ:
« Արսեն Թորոսյան նախարարը ընկեր չունի: Եթե որևէ մեկը խախտում է օրենք, բարեվարքության կանոնները, ապա նա հեռանում է ինչքան հնարավոր է հեռու մեր համակարգից»,- նշում է նա:
Նրա խոսքով երեք միլինոնանոց Հայաստանում յուրաքանչյուր մարդու հետ հնարավոր է, որ ունենաս միջնորդ, կամ ընդհանուր ծանոթ:
Անդրադառնալով Պետական վերահսկողական ծառայության պետի հետ ունեցած քննարկումներին և իրեն գործ տալու մեջ մեղադրելուն նախարարը ասել է.
« Պետական վերահսկողական ծառայության դեպքը չգիտեմ՝ արդեն որերորդն է իմ «գործ տալու» դեպքերից, որովհետև ես պաշտոնավարման հենց սկզբից ինչքան հնարավոր չարաշահում կասկածել եմ, դրանց մասին հայտնել եմ համապատասխան մարմիններին»:
Նախարար Արսեն Թորոսյանի խոսքով մեկ անգամ մի լրագրողի հարցին թե արդյոք ինքը գործ տվող է պատասխանել է.
« Եթե ապօրինության մասին բարձրաձայնելը գործ տալ է, ապա, այո, ես գործ տվող եմ»:
Մանրամասն՝ տեսանյութում:
Այսօր հյուրընկալվել էի Առաջին ալիք, որտեղ Լևոն Սարդարյանի հետ խոսել եմ կարևոր հարցերի շուրջ.✅ Պետական պաշտոնյաների աշխատավարձերի ավելացում✅ Կոռուպցիայի դեմ պայքար, երկակի ստանդարտների կիրառման մեղադրանքներ✅ Սահմանադրական դատարանի շուրջ ստեղծված ճգնաժամ✅ Արցախի նախագահական ընտրություններ և այլն։
Geplaatst door Arsen Torosyan op Dinsdag 22 oktober 2019
