Առողջապահության նախարար Արսեն Թորոսյանը մի բան պետք է անի՝ դադարեցնի ցինիզմով ու մեծամտությամբ մրցել բոլորի հետ, ԱԺ-ում լրագրողների հետ ճեպազրույցում ասաց ԼՀԿ պատգամավոր Մանե Թանդիլյանն՝ անդրադառնալով Թորոսյանի գրառմանը, որ ԼՀԿ-ն դեմ է եղել երկորդ անգամ արտակարգ դրության երկարացմանը։
Նա հիշեցրեց, որ դեռևս փետրվարին ԼՀԿ-ն առաջարկել էր համապատասխան միջոցառումներ իրականացնել կորոնավիրուսի մուտքը ՀՀ և դրա տարածումը կանխելու համար։
«Մարտի 1-ին ունեցանք առաջին դեպքը, եթե մինչև այդ գործողություններ ձեռնարկած լինեին, գուցե, արտակարգ դրության կարիք չլիներ։ Այդ մասին մտածե՞լ է Արսեն Թորոսյանը», — ասաց Թանդիլյանը։
