ԱՄՆ նախագահ Դոնալդ Թրամփը հայտարարել է, որ երկրում կորոնավիրուսի համավարակը գործնականում ավարտվել է, գրում է ria.ru-ն։
«ԱՄՆ-ում կորոնավիրուսի համավարակը գործնականում անցյալում է»,- մամուլի ասուլիսի ժամանակ ասել է Թրամփը:
Սպիտակ տան ղեկավարը նաև նշել է, որ երկրում արդեն պատրաստ են կորոնավիրուսի դեմ 2 մլն պատվաստանյութ մատակարարել։
«Պատվաստանյութերի առումով հսկայական առաջընթաց է արձանագրվում։ Մենք արդեն պատրաստ ենք 2 մլն պատվաստանյութ մատակարարել, եթե դրանք հաջողությամբ անցնեն անվտանգության ստուգումը»,- ասել է Թրամփը։
Նրա խոսքով՝ պատվաստանյութերի վրա աշխատում է մինչև 7-8 ընկերություն։
ԱՄՆ-ում վերջին շրջանում կորոնավիրուսի դեպքերի անկում է նկատվում։ Վերջին տվյալներով՝ երկրում արձանագրվել է կորոնավիրուսի 1.927.961 դեպք, որոնցից 110.329-ը՝ մահվան ելքով։
