Գերմանիան, Ֆրանսիան, Իտալիան և Նիդերլանդները միավորվել են՝ եվրոպական տարածքում SARS-CoV-2-ի դեմ պատվաստանյութի արտադրությունն արագացնելու նպատակով։ Նիդերլանդների առողջապահության նախարարության փոխանցմամբ՝ Եվրոպայի 4 խոշորագույն տնտեսությունները համատեղ դիտարկում են տարբեր խոստումնալից նախաձեռնություններ և բանակցում դեղագործական տարբեր ընկերությունների հետ։ Այս մասին հայտնում է Deutsche Welle-ն։
Դաշինքի անդամները համոզված են, որ հաջող արդյունքի համար անհրաժեշտ են համատեղ ներդրումներ և ռազմավարություն։
ԱՀԿ-ի տվյալներով՝ ներկայում ողջ աշխարհում իրականացվում է հակակորոնավիրուսային ավելի քան 130 պատվաստանյութի մշակում։ Դրանցից առնվազն 10-ը գտնվում են կլինիկական փորձարկումների փուլում։