Ադրբեջանում 33 բանտարկյալների կորոնավիրուսի ախտորոշման թեստերի արդյունքները դրական են եղել: Բանտարկյալներն անմիջապես մեկուսացվել են, նրանց բուժման միջոցներ են ձեռնարկվում: Այս մասին նշված է Ադրբեջանի արդարադատության նախարարության հաղորդագրության մեջ, որը ստացել է haqqin.az-ի խմբագրությունը:
Հաղորդագրության մեջ նշված է, որ կորոնավիրուսի ախտորոշման թեստավորում են անցել ուղղիչ հաստատությունների աշխատակիցները եւ բանտարկյալները: Արդարադատության նախարարության կարծիքով՝ կորոնավիրուսի տարածման վտանգն ամբողջությամբ տեղայնացված է, հիվանդներին բուժելու համար կան բոլոր դեղամիջոցները եւ բժշկական սարքավորումները:
