Առողջապահության համաշխարհային կազմակերպությունից հայտնել են, որ կորոնավիրուսի հետ կապված տարօրինակ մի երևույթի բացատրությունն ունեն: Խոսքն այն մասին է, որ COVID-19 ունեցող հիվանդների մոտ բուժվելուց հետո թեստերը կրկին ցույց են տալիս վիրուսի առկայություն: ԱՀԿ-ում կարծում են, որ սխալ կլինի այդ դեպքերը կրկնակի վարակում համարել:
Բուժված հիվանդների մոտ COVID-19- ի կրկնակի դրական թեստերի մասին հաղորդել են Հարավային Կորեայի բժիշկները: Այստեղ գրանցվել են հարյուրից ավելի նման դեպքեր: ԱՀԿ-ն կարծում է, որ գուցե խոսքը ոչ թե կրկնակի վարակման, այլ օրգանիզմի շարունակական ազատումն է թոքերի հյուսվածքի մահացած բջիջներից:
«Մենք գիտենք, որ որոշ հիվանդների մոտ նույնիսկ կլինիկական բուժումից հետո թեստերը ցույց են տալիս դրական արդյունք … Այն, ինչ մենք գիտենք այս պահին, այն է, որ թեստի արդյունքի վրա կարող է ազդել մեռած բջիջներից թոքերի մաքրվելու գործընթացը, ինչը մենք կարող ենք դիտարկել հիվանդությունից վերականգնվելու փուլում»,- AFP- ն մեջբերում է ԱՀԿ-ի հայտարարությունը:
Այժմ ԱՀԿ-ն փորձում է պարզել, թե բուժված հիվանդների մոտ որքան երկար կարող է հայտնաբերվել կորոնավիրուս: Բացի այդ, կարևոր է ստուգել, արդյոք նման նախկին հիվանդները կարող են վիրուսը փոխանցել այլ մարդկանց, կամ արդյոք վիրուսն այնքան ակտիվ չէ, որպեսզի վարակի շղթան շարունակի:
