Բոննի համալսարանի վիրուսաբանության և ՄԻԱՎ-ի հետազոտության գերմանական ինստիտուտի գիտնականները պարզել են կորոնավիրուսով վարակվելու ամենահավանական տարբերակը: Այս մասին RTL Today-ին տված հարցազրույցում ասել է ուսումնասիրության հեղինակներից մեկը՝ Խենդրիկ Շտրեեքը:
Գիտնականները եկել են այն եզրակացության, որ իրերի հետ շփումից հետո հիվանդանալու վտանգը ծայրաստիճան փոքր է, քանի որ նրանք չեն կարողացել գտնել տարբեր մակերևույթների կենդանի վիրուսներ:
Շտրեեքը բացատրել է, որ վարակը կարող է տարածվել, եթե, օրինակ, հիվանդը հազում է ձեռքի մեջ, միանգամից շոշափում է ինչ-որ բան, իսկ մեկ այլ անձ անմիջապես դիպչում է այդ առարկային, այնուհետև ձեռք տալիս դեմքին: Այնուամենայնիվ, վարակի տարածման այս մեթոդը շատ տարածված չէ:
Ինչպես պարզել են մասնագետները, կորոնավիրուսների լուրջ բռնկումներ են արձանագրվել հասարակական միջոցառումների ընթացքում մարդկանց մեծ խմբերի երկարատև և սերտ շփման ընթացքում, և սա ցույց է տալիս, որ փոխանցման ամենահավանական ճանապարհը վարակների հետ անմիջական սերտ շփման ժամանակ կաթիլները շնչելն է: