Անգլիայի առողջապահության վարչությունը խորհուրդ է տվել գարնանը եւ ամռանը ամեն օր վիտամին D ընդունել, քանի դեռ կարանտինը շարունակվում է:
Սովորաբար մենք ստանում ենք այն բավարար չափով, երբ դրսում ժամանակ ենք անցկացնում, քանի որ այն արտադրվում է, երբ մեր մաշկի բաց հատվածները հայտնվում են արևի ճառագայթների ազդեցության տակ։
Այն կոչվում է նաեւ «արեւի վիտամին» եւ այն օգնում է մեր մարմնին պայքարել վարակների դեմ, ինչը հատկապես կարեւոր է ներկայիս համաճարակի ժամանակ:
Ո՞ւմ է օգտակար վիտամին D ընդունելը
Նույնիսկ մինչեւ կորոնավիրուսի համաճարակը բրիտանացիները խորհուրդ են տվել ընդունել 10 մկգ վիտամին D ամեն օր ձմռան ր աշնան ամիսներին (հոկտեմբերից մինչեւ մարտ) կամ ամբողջ տարին, եթե նրանք բավարար ժամանակ չեն անցկացնում փողոցում:
Սակայն ներկա իրավիճակում, երբ բոլորին հանձնարարված է նստել տանը, այդ կարեւոր վիտամինի պակասը կարող է ավելի սուր զգացվել։
Անգլիացի մասնագետները խորհուրդ են տալիս վիտամին D-ն ընդունել դեղահաբերի կամ կապսուլաների ձևով, եթե դուք՝
— գրեթե չեք լինում փողոցում, օրինակ, եթե դուք ստիպված եք պաշտպանել ձեր առողջությունը (սրտի վիրահատությունից, ծանր հիվանդություններից եւ այլն),
-ապրում եք ծերանոցում,
— սովորաբար հագնում փակ հագուստ, երբ դուրս եք գալիս տնից:
Մաշկի մուգ գույն ունեցող մարդիկ նույնպես կարող են «արեւային վիտամին» չստանալ, նույնիսկ եթե նրանք պարբերաբար փողոցում ինչ-որ ժամանակ են անցկացնում։
Ինչո՞ւ է մեզ պետք վիտամին D
Վիտամին D-ն ամրացնում է ատամները, ոսկորները եւ մկանները.
Նրա պակասը վաղ մանկությունից կարող է առաջացնել ռախիտ-ոսկրային թերզարգացում եւ կմախքի դեֆորմացիա, իսկ մեծահասակների մոտ՝ օստեոմալացիա, ոսկորների փափկեցում՝ դրանց ոչ բավարար հանքայնացման պատճառով, այսպես կոչված, «մեծահասակների ռախիտ»։
Որոշ ուսումնասիրությունների համաձայն, այս վիտամինն օգնում է մեզ պայքարել սովորական մրսածության եւ գրիպի դեմ, թեեւ չկա հավաստի տվյալներ, որ վիտամին D-ն բարձրացնում է իմունիտետը:
Որոշ ուսումնասիրություններ կապում են վիտամին D ցածր մակարդակը եւ սեզոնային դեպրեսիան. կան նույնիսկ տվյալներ, որոնք խոսում են այն մասին, որ այս վիտամինի պակասը կարող է ազդել նյարդային համակարգի գործունեության եւ հոգեկան առողջության վրա:
Կարելի՞ է այն ընդունել մեծ չափաբաժիններով։
Դա անել չարժե։ Չնայած նրան, որ վիտամին D-ն կենսաակտիվ սննդային հավելումների ձեւով շատ անվնաս է, բայց եթե այն ընդունենք ամեն օր և մեծ չափաբաժնով, ապա դա կարող է վնասել.
Անվտանգ չափաբաժինները հետեւյալն են՝
-1-ից մինչեւ 10 տարեկան երեխաները ‘ օրական 50 մկգ-ից ոչ ավելի,
-մինչև 12 ամսական երեխաներ ՝ օրական 25 մկգ-ից ոչ ավել,
-մեծահասակները օրական 100 մկգ-ից ոչ ավելի, իսկ բիոհավելումների տեսքով՝ օրական 10 մկգ:
Որոշ դեպքերում, եթե հիվանդի մոտ ախտորոշվել է վիտամին D-ի դեֆիցիտ, բժիշկը կարող է նշանակել ավելի բարձր չափաբաժիններ:
Որոշ հիվանդությունների, ինչպիսիք են երիկամների հիվանդություննեը, օգտագործել վիտամին D խորհուրդ չի տրվում:
Կարո՞ղ է նա պաշտպանել կորոնավիրուսից:
Ոչ, չի կարող։ Չկան ապացույցներ, որ այս վիտամինը ինչ-որ կերպ պաշտպանում է կորոնավիրուսի վարակից:
Այնուամենայնիվ, մասնագետները կարծում են, որ պանդեմիայի ժամանակ այն անօգուտ չէ։
Վիտամին D-ի պարունակությամբ հավելումները կբարելավեն նրանց ինքնազգացողությունը, ում օրգանիզմում բավարար քանակությամբ վիտամին չկա:
Որոշ փորձագետներ մարմնի մեջ վիտամին D-ի պակասի եւ հիվանդության ավելի ծանր ընթացքի միջեւ կապ են տեսնում՝ կորոնավիրուսով վարակվելու դեպքում: Միեւնույն ժամանակ, նման հիվանդների մոտ հաճախ կան բարդությունների այլ պատճառներ , այնպես որ դեռ դժվար է կատարել միանշանակ եզրակացություն.