Նյու Յորքի Ուեսթչեստեր շրջանի բնակիչները դատի են տվել Առողջապահության համաշխարհային կազմակերպությանը (ԱՀԿ)՝ նոր տեսակի կորոնավիրուսային պանդեմիայի ժամանակ անփութության համար, հայտնում է Reuters-ը:
Նյու Յորքի արվարձանների երեք բնակիչ մեղադրում է ԱՀԿ-ին՝ պանդեմիայի մասին ժամանակին չհայտարարելու, վարակի նախնական բռնկմանը Չինաստանի արձագանքին չհետևելու, բուժման վերաբերյալ առաջարկություններ չներկայացնելու և աշխարհի երկրների պատասխան գործողությունները չհամակարգելու համար:
Միևնույն ժամանակ, ԱՀԿ-ն մեղադրվում է նոր տիպի կորոնավիրուսի լրջությունը թաքցնելու համար Չինաստանի կառավարության հետ հանցավոր դավադրության մեջ:
