Աշխարհում COVID-19-ով վարակման դեպքերի ընդհանուր թիվն անցել է 1․5 միլիոնից։ Worldometer վիճակագրական պորտալի ներկայացրած վերջին տվյալներով՝ աշխարհում վարակված է 1,518,783 մարդ։
Ընդհանուր առմամբ՝ վիրուսը խլել է 88,505 մարդու կյանք։ Ապաքինվել է վարակակիրներից 330,590-ը։
Վարակակիրների թվով առաջատարը մնում է ԱՄՆ-ը (435,128)։ Իսպանիայում և Իտալիայում կա համապատասխանաբար՝ 148,220 և 139,422 վարակակիր։
Զոհերի թվով առաջին տեղում Իտալիան է (17,669)։ Այս պահի դրությամբ ԱՄՆ-ում և Իսպանիայում զոհերի թիվը գրեթե հավասար է՝ ավելի քան 14,790։