Օրվա ընթացքում մարդն աշխատում է, հոգնում ու նորից ուժերը վերականգնելու համար անհրաժեշտ է քնել և հանգստանալ։ Քունը օրգանիզմի համար ունի կենսական նշանակություն։ Բայց թե՞ ինչպես բարելավել քնի որակը և ազատվել քնի խանգարումներից հնարավոր է քչերը գիտեն։
Առաջարկում ենք ծանոթանալ մի քանի կարևոր խորհուրդների, որոնք կօգնեն ձեզ բարելավել քնի որակը։
1.Քնի տևողություն
Միջինում հասուն մարդը պետք է քնի 7-8 ժամ։ Սակայն հիշեք, առողջ քունն անխախտ քունն է։ Ավելի օգտակար է քնել 6 ժամ առանց ընդմիջումների, քան 8 ժամ քնի խափանումներով։
2, Մի մնացեք անկողնում արթնանալուց հետո
Oրգանիզմը պետք է սովորի, որ օրը սկսվում է հենց այդ ժամից։ Մի քանի փորձ ու նման ռիթմը կդառնա սովորական ձեզ համար։
- Օրվա ընթացքում փորձեք չքնել
Եթե չդիմանաք և քնեք, ապա այն կարող է հանգեցնել քնի խանգարման։
- Ստեղծեք հարմարավետ և թուլացնող միջավայր ննջարանում
Այսպիսի հարմարավետություն ստեղծելու առաջին նախապայմանը հեռուստացույցի և համակարգչի բացակայությունն է: Մինչև քնելն օդափոխեք սենյակը, թթվածինն օգնում է արագ և հանգիստ քնել:
- Մի սնվեք քնելուց առաջ
Փորձեք խուսափել սննդից քնելուց առաջ: Խորհուրդ է տրվում ուտել քնելուց գոնե 2 ժամ առաջ: Բացի այդ, հիշեք, որ ընթրիքը պետք է հնարավորինս թեթև լինի:
- Ծխելը, սուրճը և ալկոհոլը խոչընդոտում են առողջ քնի:
Հրաժարվեք դրանցից հօգուտ առողջության:
