Աշնանը մազերը դառնում են ավելի բարակ ու փխրուն, ինչը կարող է պայմանավորված լինել տարբեր գործոններով․
1.Աշնանը մազաթափության պատճառ կարող է լինել ամռանը անբավարար խնամքը։Մեզանից շատերը թույլ են տալիս սխալ և հայտնվում են արևի տակ՝ չպաշտպանելով իրենց ուլտրամանուշակագույն ճառագայթներից։ Հետևաբար, մազերը դառնում են չոր, թույլ և փխրուն։ Դրանից խուսափելու համար օգտագործեք սփրեյներ, որոնք պարունակում են զտիչներ։
- Ամռանը մազերը ավելի արագ են յուղոտվում։ Խորհուրդ է տրվում շոգ եղանակին ավելի հաճախ լվանալ մազերը։ Եթե դա չի արվում, արմատները թուլանում են, իսկ մազերը բարակում։
3․ Լաքերի և փրփուրների չափազանց շատ օգտագործումը նույնպես հանգեցնում է մազաթափության։ Նույնը տեղի է ունեում երբ օգտագործում ենք անորակ սանրեր և խոզանակներ։ Խորհուրդ է տրվում օգտագործել լայն ատամներով սանրեր։
4.Աշնանային մազաթափությունը նաև մեծապես պայմանավորված է ոչ ճիշտ սննդակարգով։ Վիտամինների պակասը կարող է ազդել մազերի վիճակի վրա։
◆Վիատմին A-արագացնում է մազերի աճը։ Այն շատ է բրոկկոլիի, դդմի, մաղադանոսի, լյարդի և կաղամբի մեջ։
◆Վիտամին B7-կամ բիոտին-կանխում է մազաթափությունը։ Դրա աղբյուր են հանդիսանում ծաղկակաղամբը, ձվի դեղնուցը, սպանախը, թռչնամիսը։
◆Վիտամին С-բարելավում է գլխի արյան շրջանառությունը և ամրացնում մազերի արմատները։ Դրանով հարուստ են ազնվամորին,պղպեղը,ցիտրուսային մրգերը, սպանախը, մաղադանոսը։
◆Վիտամին E-արագացնում է մազերի աճը։ Այն առկա է ընկույզի, ձվի, կարագի, հացի, նուշի, սպանախի մեջ։
◆Ցինկ- Ցինկի պակասը կարող է հանգեցնել մազերի նոսրացման։ Աղբյուր են հանդիսանում ոսպը, տավարի միսը,գառան միսը, լոլիկը։
◆Երկաթը պատասխանատու է մազերի հաստության համար։ Այս հանքանյութի աղբյուր են ոսպը, մուգ շոկոլադը, հնդկաձավարը։
◆Պղնձի պակասը կարող է մազերի գունաթափման պատճառ դառնալ։ Այն առկա է դդումի, արևածաղկի, կակաոյի, լյարդի և հնդկաձավարի մեջ։
Մազաթափության պատճառ կարող է լինել նաև սթրեսը, որոշ դեղամիջոցների օգտագործումը կամ քաշի հանկարծակի կորուստը։ Եթե ձեզ մոտ առկա են թվարկված պատճառները, ապա դիմեք մասնագետի։