Ակնային ալերգիաները բավականին տարածված են։ Մենք զրուցել են ակնաբույժ Թամարա Մկրտչյանի հետ։ Պարզել ենք, թե ինչ ախտանշաններով են դրևորվում ակնային ալերգիաները, որոնք են դրանց առաջացման պատճառները և արդյոք կարող են բացասաբար անդրադառնալ պացիենտի տեսողության վրա։
Ակնային ալերգիաները նորմայում անվնաս են
Ակնային ալերգիան՝ ալերգիկ կոնյուկտիվիտը, իրենից ներկայացնում է օրգանիզմի իմուն համակարգի պատասխանը ալերգեններին, որոնք նորմայում անվնաս են։ Ալերգեն կարող են հանդիսանալ փոշին, կենդանիների մազերը, ծուխը, որոշակի դեղորայք, կոսմետիկան և այլն։
Ակնային ալերգիաների նշանները
Ակնային ալերգիայի նշաններն են՝ կարմրություն, այտուց, քոր աչքերում, այրոցի զգացում, արցունքահոսություն, լուսավախություն։ Ակնային ալերգիան կարող է զուգակցվել նաև քթահոսությամբ, փռշտոցով և քորով քթի շրջանում։ Ալերգիաները հաճախ ժառանգական բնույթ են կրում։ Ալերգիկ կոնյուկտիվիտի բուժուման համար պետք է բացառել կոնտակտը ալերգենի հետ և անհրաժեշտության դեպում կիրառել դեղորայք, նշանակված ակնաբույժի կողմից։ Ալերգիկ կոնյուկտիվիտը հիմնականում չի վնասի Ձեր տեսողությունը, սակայն սուր շրջանում տեսողությունը մշուշվում է արցունքահոսության՝ հավելյալ արցունքային շերտի պատճառով։
Խորհուրդներ
Ակնային ալերգիան մեղմելու համար խորհուրդ է տրվում օգտագործել առանց կոնսերվանտների արհեստական արցունքներ, խուսափել օդորակիչների սառը օդի ազդեցությունից, ձեռքերը աչքերից հեռու պահել, կրել արևային կանոցներ։
Լուսինե Մարդոյան