Աշխարհի 98 երկիր հայտնել է կապիկի ծաղիկ հիվանդության դեպքերի գրանցման մասին։ Այս մասին հայտնում է Reuters-ը։
Ողջ աշխարհում կապիկի ծաղիկի հաստատված դեպքերի թիվն արդեն գերազանցում է 45 հազարը։ Գրանցվել է 12 մահ:
Օգոստոսի 15-21-ը Առողջապահության համաշխարհային կազմակերպությունը գրանցել է վարակման դեպքերի 21 տոկոս անկում՝ նախորդ 7-օրյա ժամանակահատվածի համեմատ: Անցած շաբաթ գրանցվել է վարակման 5907 նոր դեպք: Իրանն ու Ինդոնեզիան հայտնել են առաջին պացիենտների մասին:
