Կորոնավիրուսային հիվանդությունը նորից ակտիվանում է։ Վերջին շաբաթում կատարված 6158 թեստավորումից, հաստատվել է 965 քովիդ դրական դեպք, 7 մահ։ Ի դեպ, վերջին շրջանում միայն նախորդ շաբաթում է եղել, որ արձանագրվել է մահվան դեպք։
«Մենք հասկանում ենք, որ քովիդն այլևս դառնում է էնդեմիկ հիվանդություն և ժամանակ առ ժամանակ աշխարհի տարբեր հատվածներում ունենալու ենք բռնկումներ։ Գիտենք, որ հիմա տուրիստական բավական բուռն շրջան է, մարդիկ ճամփորդում են և իհարկե, Հայաստան վարակը պետք է ներթափանցել որերորդ անգամ։ Նկատում ենք, որ վերջին շաբաթներին մենք քովիդով պայմանավորված աճ ենք գրանցում։ Մենք մեր ծավալման պլանը՝ հիվանդանոցների մահճակալային ֆոնդի, հստակ ունենք, և պիտի շարժվենք ըստ համաճարակային իրավիճակի։ Մոնիթորինգը, մշտադիտարկումը, ամենօրյա ռեժիմով իրականացվում է, և մենք պատրաստ ենք հաջորդ ալիքներին»,- օրերս կառարավարության նիստից հետո լրագրողների հետ ճեպազրույցում նշել է առողջապահության նախարար Անահիտ Ավանեսյանը։
Նախարարի խոսքով՝ այս պահին անգամ այլ երկրներում շատ ավելի մեծ ալիք է, բայց ճամփորդությունների սահմանափակումների մասով վերադարձ չկա։
Օֆելյա Պողոսյան
