Առողջապահության համաշխարհային կազմակերպությունը (ԱՀԿ) տվյալներ չունի, որ BA.2.75 կորոնավիրուսի օմիկրոն շտամի նոր ենթատարբերակը, որը հայտնի է որպես «կենտավր», հայտնաբերված, այդ թվում՝ Ռուսաստանում, ազդու՞մ է հիվանդության ծանրության վրա։ Այս մասին երեքշաբթի ՏԱՍՍ-ին հայտնել են ԱՀԿ-ի Ժնևի կենտրոնակայանում։
Հարցին, թե արդյո՞ք Centaur-ը վտանգավոր է, կազմակերպության խոսնակն ասել է.
«Մենք դեռ չունենք բավարար տեղեկատվություն հիվանդության ծանրության վրա դրա ազդեցության մասին: Մենք ուշադիր կհետևենք տվյալներին, երբ դրանք հասանելի լինեն»,-ասել է ԱՀԿ ներկայացուցիչը ու հավելել, թե «դեռ վաղ է ասել, որ այս omicron ենթատարբերակն ունի բաշխման առավելություն BA.4 և BA.5 ենթատարբերակների նկատմամբ»:
ԱՀԿ-ն մեկ անգամ չէ, որ զգուշացրել է կորոնավիրուսի ակտիվացման մասին ու կոչ արել չդադարեցնել պատվաստման գործընթացը։
ԱՀԿ-ն ընդգծել է, որ «COVID-19 համաճարակը չի ավարտվել», և այս առումով կազմակերպությունը «շարունակում է կոչ անել երկրներին աջակցել թեստավորման և հաջորդականության ծառայություններին, որպեսզի ավելի հստակ պատկերացում լինի, թե որտեղ է տարածվում վիրուսը և ինչպես է այն զարգանում։ »: Բացի այդ, ԱՀԿ-ն կոչ է անում կառավարություններին ապահովել, որ բոլոր առողջապահական աշխատողները, տարեցները և վտանգի տակ գտնվող այլ պոպուլյացիաները լիովին պատվաստված լինեն:
Մեր երկրում ևս ընթանում է կորոնավիրուսի դեմ պատվաստման գործընթացը։ Ինչպես ներկայացրել է առողջապահության նախարար Անահիտ Ավանեսյանը՝ մեզ մոտ ամբողջական պատվաստվել է չափահաս քաղաքացիների 40 տոկոսը։
«Ամբողջական պատվաստումը ստանալուց հետո խորհուրդ է տրվում ստանալ խթանից դեղաչափ, իսկ լրացուցիչ խթանիչ դեղաչափը խորհուրդ է տրվում ստանալ միայն խիստ ռիսկային քաղաքացիներին, ուստի եթե ամբողջական պատվաստումը ստացել եք, խորհուրդ է տրվում մինչև աշուն ստանալ խթանիչ դեղաչափը»,-նշել է նա։
Նախարարը նաև ընդգծել է, որ քովիդ ցուցանիշը աճում է, ինչը պայմանավորված է ճամփորդությունների ակտիվացմամբ։ Նա նաև նշել է, թե վճռորոշ է առաջիկա երկու շաբաթը, ըստ այդմ, պարզ կդառնա՝ վարակի ալիքը տարածվելու միտում ունի՞, թե՞ կգնա դեպի կայունացում:
Նշենք, որ չի բացառվում նաև նոր սահմանփակումները, ինչպես նախարարն է նշել, եթե համաճարակային իրավիճակը սրվի՝ կգնան սահմանափակումների։
Ս․Ա․
