Ամիսներ առաջ, Առողջապահության նախարարությունից հայտնում էին նոր նախագծի մասին, այն է՝ հանրային սննդի օբյեկտներում արգելել սեղանների վրա աղաման դնելը: Սպառողը ցանկության դեպքում կարող էր պահանջել աղամանը, հակառակ դեպքում, եթե առանց սպառողի պահանջի սեղանին դրված լիներ, պատասխանատվություն կսահմաներ՝ 30 հազար դրամ տուգանք: Նախագծի ուժի մեջ մտնելուց հետո, հետևելով հանրային սննդի կետերի աշխատանքին՝ կարելի էր նկատել, որ այնուամենայնիվ աղի և աղամանների հետ կապված սահմանափակումը կիրառվում էր, և հատուկենտ վայրեր կարելի էր հանդիպել, որտեղ սեղանների վրա աղամանը դրված էր սեղանին։
Վերջին շրջանում հակառակն է։ Հիմա դժվար թե կգտնվի մի հանրային վայր, որտեղ պահպանվում է աղամանների հետ կապված սահմանափակումը, թեպետ, որևէ որոշում կամ հրաման ԱՆ-ի կողմից չի եղել, որը թույլ էր տալիս արգելքի որոշումը շրջանցել։
Օրերս, ԱՆ-ն հրապարակում արեց արյան բարձր ճնշումը կարգավորելու մասին, նշելով, որ վերջինիս համար պետք է ընտրել հավասարակշռված սննդակարգ և ակտիվ ապրելակերպ․
նկարը՝ ԱՆ-ի ֆեյսբուքյան էջից
ԱՆ-ն հրապարակման մեջ ևս հիշատակել է աղի օգտագործման վնասակար լինելը, ասելով՝ «կրճատե՛ք աղի օգտագործումը»։ Այս անգամ աղի վնասակար լինելն ուղղված էր արյան բարձր ճնշմանը։ Ուստի, այնուամենայնիվ, աղի չարաշահումն էապես ազղդում է առողջության վրա, սակայն, վերոնշյալ որոշում-արգելքն էլ որևէ կերպ չէր կարող նվազեցնել աղի օգտագործումը, քանզի աղ օգտագործող մարդն այսպես, թե այնպես կօգտագործի։
Օֆելյա Պողոսյան
