Հոգեբուժական հաստատությունների դիտորդական խումբը գրառում է կատարել.
2021 թ․ հունվար-հունիս ամիսներին Խումբն իրականացրել է Հայաստանի հոգեբուժական հաստատություններում սոմատիկ հիվանդությունների կանխարգելման և վերահսկման վիճակի գնահատում COVID-19 պայմաններում։
Ուսումնասիրության արդյունքների համաձայն՝ բացակայում է սոմատիկ հիվանդությունների կանխարգելման միասնական կարգավորումը։ Թեև բոլոր հոգեբուժական հաստատություններում իրականացվում են բժշկական հետազոտություններ, այնուհանդերձ դրանց ցանկը, ծավալները, պարբերականությունը տարբեր է և պայմանավորված է հաստատության հնարավորություններով և ռեսուրսներով։
Բացակայում է միասնական կարգավորումը նաև բուժում և խնամք ստացող անձանց ընթացիկ և սքրինինգային հետազոտությունների հարցում։ Այսինքն, գնահատված և հստակեցված չէ սոմատիկ հիվանդությունների համար ինչպես անհրաժեշտ նվազագույն բժշկական հետազոտությունների ցանկը, այնպես էլ դրանց պարբերականությունը, որոնց հիման վրա պետք է մշակվեն համապատասխան չափորոշիչները։
Սահմանված չէ նաև պարտադիր հետազոտությունների ցանկը, որին համապատասխան կա՛մ պետք է հաստատություններն ապահովվեն սարքավորումներով և մասնագետներով, կա՛մ այդ ծառայությունը պատվիրակելու համար համապատասխան պայմաններ երաշխավորվեն։ Զեկույցն առավել մանրամասն տե՛ս`
