Գլխավոր էջ Uncategorized Անալգինը վտանգավոր է օրգանիզմի համար

Անալգինը վտանգավոր է օրգանիզմի համար

770
0

Շատ երկրներում տարածված ցավազրկող դեղամիջոցը վաղուց արգելված է աշխարհի շատ երկրներում: Դրա կողմնակի ազդեցությունների ցանկն այժմ համալրվել է եւս մեկով, գրում է «Դոկտոր Փիթերը»։

Ռուսաստանի Առողջապահության նախարարությունն արտադրողներին խորհուրդ է տվել դեղերի վերաբերյալ ցուցումներում ավելացնել մետամիզոլ նատրիում կոչվող ակտիվ բաղադրիչը: Մտահոգության հիմք է հանդիսացել Դեղամիջոցների փորձագիտական ​​կենտրոնի նամակը։ Դրանում ասվում է, որ կողմնակի ազդեցությունների բաժնում նախազգուշացում ավելացվի լյարդի վնասման ռիսկերի մասին:

Մետամիզոլ նատրիումը հայտնի է նաեւ որպես «Անալգին»: Այն թեթեւացնում է ցավը, իջեցնում է ջերմաստիճանը եւ սովորաբար գործում է ինչպես ցանկացած այլ ոչ ստերոիդային ցավազրկող: Նախկինում այն ​​հաճախ նշանակվում էր քրոնիկ ցավերի բուժման համար, այժմ օգտագործվում է մեկանգամյա ցավազրկման համար։

Բայց դրանից հնարավոր կողմնակի ազդեցությունների ցանկը գերազանցում է ցուցումների ցանկը: Աշխարհի շատ երկրներում այս ակտիվ բաղադրիչը հանվել է դեղագործական շրջանառությունից։

Բժիշկներն այժմ նախազգուշացնում են, որ անալգին ընդունող հիվանդների մոտ կարող է լյարդի դեղորայքային վնասում զարգանալ, այդ թվում` սուր հեպատիտ եւ դեղնախտ: Ընդ որում, այդ ամենը կարող է զարգանալ ինչպես մի քանի ամսում, այնպես էլ բուժման մեկնարկից մի քանի օրվա ընթացքում։

«Հիվանդների մեծ մասն ապաքինվել է մետամիզոլով բուժումը դադարեցնելուց հետո,- նախազգուշացնում է ՌԴ Առողջապահության նախարարությունը։- Սակայն առանձին դեպքերում հայտնել են լյարդի սուր անբավարարության զարգացման մասին, ինչի արդյունքում լյարդի փոխպատվաստում է անհրաժեշտ եղել»։

Նման կողմնակի ազդեցության առաջացման մեխանիզմը դեռ պարզ չէ, սակայն հետազոտողները ենթադրում են, որ այն իմունալերգիկ բնույթ ունի։ Բայց առայժմ բժիշկները պետք է զգուշացնեն հիվանդներին՝ լյարդի վնասման մասին վկայող առաջին ախտանիշների դեպքում պետք է դադարեցնել դեղորայքի ընդունումը եւ լրացուցիչ հետազոտություններ կատարել։

Խոսքը հետեւյալ ախտանիշների մասին է. արյան շիճուկի մեջ լյարդի ֆերմենտի մակարդակի բարձրացում դեղնախտով կամ առանց դրա, մաշկի ցան, արյան պաթոլոգիական փոփոխություններ, ջերմություն, էոզինոֆիլիա:

 

 

ԹՈՂՆԵԼ ՊԱՏԱՍԽԱՆ

Խնդրում ենք մուտքագրել Ձեր մեկնաբանությունը
Խնդրում ենք մուտքագրել ձեր անունը այստեղ