Գլխավոր էջ Նորություններ Անահիտ Ավանեսյանը հանդիպել է ԱՀԿ եվրոպական տարածաշրջանի գրասենյակի ղեկավարի հետ

Անահիտ Ավանեսյանը հանդիպել է ԱՀԿ եվրոպական տարածաշրջանի գրասենյակի ղեկավարի հետ

197
0

Առողջապահության նախարար Անահիտ Ավանեսյանը Ժնևում ընթացող Առողջապահության համաշխարհային 75-րդ վեհաժողովի շրջանակներում հանդիպել է ԱՀԿ եվրոպական տարածաշրջանի գրասենյակի ղեկավար Հանս Կլյուգեի հետ:

 

Հանդիպման ժամանակ քննարկվել են այն հարցերի հետևողական իրականացումը, որոնք վեր էին հանվել դեռ ապրիլին, երբ երկօրյա այցով Հայաստան էր ժամանել Հանս Կլյուգեն:

 

ԱՀԿ եվրոպական տարածաշրջանի գրասենյակի ղեկավարը հատկանշել է, որ Հայաստանի առողջապահական համակարգը կայուն տեմպերով իրագործում է իր ծրագրերը: Նա շեշտել է ոլորտային բարեփոխումների անհրաժեշտությունը` վերահաստատելով, որ պատրաստ է աջակցել կատարվող աշխատանքներին:

Կողմերը քննարկել են հոկտեմբերի 5-7-ին Երևանում իրականացվելիք Արագ արձագանքման բժշկական թիմերի 5-րդ գլոբալ հանդիպման նախապատրաստական աշխատանքները:

 

Հանս Կլյուգեն պատրաստակամություն է հայտնել աջակցել նախապատրաստական աշխատանքներին և նշել է, որ այդ հանդիպումը զգալիորեն կնպաստի արտակարգ իրավիճակների բժշկության ոլորտի հզորացման կարևոր ռազմավարությանը:

ԱՀԿ եվրոպական տարածաշրջանի գրասենյակի ղեկավարը Անահիտ Ավանեսյանին հրավիրել է մասնակցելու սեպտեմբերին Թել Ավիվում կայանալիք տարածաշրջանային կոմիտեին:

 

 

ԹՈՂՆԵԼ ՊԱՏԱՍԽԱՆ

Խնդրում ենք մուտքագրել Ձեր մեկնաբանությունը
Խնդրում ենք մուտքագրել ձեր անունը այստեղ