ՀՀ առողջապահության նախարարությունը տեղեկացնում է, որ 2022 թվականի հուլիսի 1-ից «Անկանխիկ գործառնությունների մասին» ՀՀ օրենքի 6-րդ հոդվածի 4-րդ կետի համաձայն` Երևան քաղաքում գործունեություն իրականացնող բժշկական հաստատություններում մատուցվող բոլոր տեսակի բժշկական ծառայությունների դիմաց վճարները կընդունվեն միայն անկանխիկ ձևով:
Գերատեսչության փոխանցմամբ՝ նույն հոդվածով` 2023 թվականի հուլիսի 1-ից ՀՀ մարզերի վարչական կենտրոններում, իսկ 2024 թվականի հուլիսի 1-ից` այլ բնակավայրերում ևս առողջապահական ծառայությունների դիմաց վճարումը կկատարվի անկանխիկ ձևով»:
Ամրագրենք, որ այս կերպ, փաստորեն, ԱՆ-ն ստիպում է քաղաքացիներին անխտիր օգտվել բանկային ծառայություններից՝ լինեն աշխատող, թե ոչ։
Աղբյուր` Panorama.am
