Հյուսիսային Կորեայի առաջնորդ Կիմ Չեն Ինը հանդիմանել է պաշտոնյաներին, որ նրանք չեն կարողացել ժամանակին դեղորայք հասցնել բնակչությանը քովիդի բռնկման պայմաններում և հրամայել է մոբիլիզացնել զինվորականներին՝ դեպի մայրաքաղաքի դեղատներ մատակարարումները կայունացնելու համար: Այս մասին հայտնում է Կորեայի կենտրոնական հեռագրային գործակալությունը:
Երկրի բոլոր դեղատներին հրամայվել է անցնել աշխատանքի շուրջօրյա ռեժիմի:
Անցած մեկ օրում երկրում քովիդի հարուցած բարդություններից մահացել է ևս 8 մարդ, զոհերի ընդհանուր թիվը հասել է 50-ի: Կիրակի տենդի ախտանշաններով 392 920 մարդ է հայտնաբերվել: Այդպիսի հիվանդների ընդհանուր թիվը հասել է 1,21-ի, նրանցից 564 860-ը բուժում են ստանում, ավելի քան 648 630-ը լիովին ապաքինվել են:
Մայիսի 12-ին հայտարարվել էր երկրի տարածքում կորոնավիրուսի առաջին դեպքերի հայտնաբերման մասին: Առաջնորդը հրամայել էր բոլոր քաղաքներում լոքդաուն սահմանել:
