Հյուսիսային Կորեայի առաջնորդ Կիմ Չեն Ինը երկրում կորոնավիրուսի բռնկումն անվանել է «մեծ ցնցում հանրապետության հիմնադրման պահից ի վեր»: Նշվում է, որ երկրում վիրուսի հարուցած բարդություններից մահվան 21 նոր դեպք է արձանագրվել: Մահվան դեպքերի ընդհանուր թիվը հասել է 27-ի:
Այսօր առավոտյան Աշխատանքային կուսակցության Կենտկոմի քաղբյուրոյի նիստում, որտեղ քննարկել են վիրուսի դեմ պայքարի միջոցառումները, առաջնորդն ասել է, որ ճգնաժամը հնարավոր է հաղթահարել այն դեպքում, եթե ուժեղացվի հակահամաճարակային պայքարը և իրականացվեն խիստ կարանտինային միջոցառումներ:
Հանրապետության իշխանությունները հայտնել են, որ մայիսի 13-ին երկրում հայտնաբերվել է տենդի նշաններով 174 հազար մարդ: Նման հիվանդների ընդհանուր թիվն ապրիլի վերջից կազմում է ավելի քան 524 հազար:
Սղբյուրը` Shantnews.am