ՀՀ Առողջապահության նախարար Արսեն Թորոսյանը Facebook-ի էջում գրում է.
« Տեղի ունեցավ ԱՀԿ եվրոպական տարածաշրջանի մշտական կոմիտեի առաջին նիստը, որի ընթացքում ամփոփեցինք 69-րդ նստաշրջանի աշխատանքները, ինչպես նաև քննարկեցինք 70-րդ նստաշրջանի կազմակերպման և ԱՀԿ եվրոպական տարածաշրջանային գրասենյակի աշխատանքների համակարգման հարցերը։
Մեր երկրի ներկայացվածությունը միջազգային այս հարթակում էականորեն մեծացնելու է Հայաստանի ճանաչելիությունը, ինչպես նաև դերը տարածաշրջանային առողջապահական օրակարգի ձևավորման և հիմնախնդիրների լուծման մեջ»։