Ինչպես գիտենքը շուտով կարգելվի սնդիկ պարունակող սարքերի` այդ թվում սնդիկով ջերմաչափերի վաճառքը: ԱԺ-ն 2-րդ ընթերցմամբ և ամբողջությամբ ընդունեց նախագիծը: Հին ջերմաչափերը բնակչությունից չեն հավաքելու, սակայն դեղատներում կդադարեն վաճառել դրանք։ Վերջինս հասցրեց արժանանալ հասարակության քննադատությանն ու շարունակում է քննարկումների կիզակետում մնալ։ Ֆեյսբուքյան օգտատերերը ինչպես QR կոդերի հետ կապված սահմանափակման ժամանակ, այս նախագծի դեպքում ևս համացանցում ծաղրում և զավեշտի առարկա էին դարձնում այն։
«Մի ջերմաչափ ունեմ, պահեմ 7 դռան ետևում,աղի մեջ։ Ձեզ չի թվում,որ անիմաստ փնտրտուքով եք զբաղված,հիմնականը թողած,պարոնայք իբր արկածախնդիրներ»,- գրում է ֆեյսբուքյան օգտատերերից մեկը։ Եվ սա միակը չէ, որ մեզ հանդիպեց, հերթական զավեշտն է առողջապահության որոշում-նախագծերին, որոնց լավ կամ վատ լինելը պնդել կամ հաստատել չենք կարող։ Ինչը վերաբերում է նաև ներկայումս գործող QR կոդերի հետ կապված սահմանփակմանը, քանզի մի մասը այն շարունակում է կեղծել, տնտեսվարողների մի մասը պարզապես չի պահանջում այն, իսկ ոմանք էլ սահմանափակումը անմիտ ու աննպատակ որոշում են համարում, մինչդեռ ԱՆ-ն վերջինս «արդարացնում է» նրանով, որ այս և շատ այլ սահմանափակումներ առկա են գրեթե բոլոր երկրներում և հետևելով մյուս երկրների օրինակին՝ հարկ են համարել, որ մեզ մոտ ևս կա տվյալ սահմանափակումը սահմանելու անհրաժեշտությունը։
Օֆելյա Պողոսյան