Սեռական հերպեսը, սեռական օրգանների վարակիչ հիվանդություն է, որը հարուցվում է հասարակ հերպես վիրուսի կողմից։ Շատ մարդիկ կամ չունեն որևէ ախտանիշ, կա՛մ դրանք շատ թույլ են արտահայտված, և հետևաբար չեն իմանում, որ իրենք վարակված են։
Ախտանիշները դրսևորվում են մանր բշտիկներով, որոնք բացվում են և վերածվում ցավոտ խոցերի։ Կարող են դրսևորվել նաև գրիպանման ախտանիշներ, ինչպիսիք են տենդը, ցավը կամ այտուցված ավշային հանգույցները։ Հիվանդության կլինիկան սկսվում է դրսևորվել վարակի հետ շփումից 4 օր հետո և պահպանվում է 4 շաբաթ։ Հիվանդությունը, որպես կանոն, փոխանցվում է անմիջական սեռական հարաբերության ժամանակ մաշկային ծածկույթի կամ վարակվածի սեռական արտադրուկների միջոցով։
Medmedia.amի տաղավարում ուրոլոգ-անդրոլոգ Գևորգ Գրիգորյանը անդրադարձել է այս խնդրին ու պարզաբանել, թե այդ հիվանդությունն ինչպես է անդրադառնում տղամարդու սեռական առողջության վրա։
Բժշկին կարող եք դիմել 091 41 50 01 հեռախոսահամարով։
Ս․ Ասատրյան
