Ինքնամեկուսացման կանոնները խախտելու պատճառով Վրաստանում 99 մարդ ենթարկվել է պարտադիր կարանտինի: Այդ մասին տեղեկացրել են Վրաստանի ՆԳՆ-ից:
Վրաստանի ՆԳՆ համապատասխան ստորաբաժանումների աշխատակիցները շարունակում են 24 ժամ աշխատել արտակարգ ռեժիմով, և Հիվանդությունների վերահսկման ազգային կենտրոնի հետ ակտիվորեն վերահսկել Վրաստանի տարածքում ինքնամեկուսացված քաղաքացիներին:
Ինքնամեկուսացման կանոնները խախտվել են երկրի 9 շրջաններում: 99 անձանց տեղափոխել են կարանտինային գոտիներ:
ՆԳՆ-ն նշում է, որ Վրաստանի տարածքում գտնվող բոլոր անձինք պարտավոր են պահպանել Վրաստանի օրենսդրությամբ սահմանված կանոնները, որոնք առնչվում են հանրության առողջությանը, և հարգել Հանրային առողջապահության ծառայության որոշումները:
Նախարարությունից զգուշացրել և հորդորել են՝ փողոց դուրս գալ միայն անհրաժեշտության դեպքում: