Omicron BA.2 կորոնովիրուսի շտամի ենթատեսակն ավելի վարակիչ է պարզվել, քան Omicron BA.1-ի առաջին տարբերակը։
Դանիական խմբի գլխավոր քննիչ Ֆրեդերիկ Պլեսներ Լյնգսեն պնդում է, որ BA.2 տարբերակը զգալիորեն տարբերվում է BA.1-ից. նրանց միջև տարբերությունը մոտ 40 մուտացիա է: Դանիայում և եվրոպական այլ երկրներում այս տարբերակը այժմ ակտիվորեն փոխարինում է հին Omicron-ին։
Ինչպես ցույց է տվել հետազոտությունը, Omicron-ի նոր ենթատեսակով վարակվածներն ավելի հավանական է, որ վարակը փոխանցեն մեկ ուրիշին: Դանիացի գիտնականները հաշվարկել են, որ BA.2-ի երկրորդական վարակի մակարդակը կազմում է 39%, մինչդեռ Omicron BA.1-ի հին տարբերակում երկրորդական վարակի մակարդակը կազմում էր ընդամենը 29%:
«Օմիկրոնի» նոր ենթատեսակն ավելի հեշտությամբ վարակում է պատվաստվածներին, ներառյալ նրանց, ովքեր ստացել են պատվաստանյութի կրկնակի չափաբաժիններ։ Պարզվել է, որ վիրուսային առավելագույն ծանրաբեռնվածությունը և դրա հետագա անկման դինամիկան գործնականում չեն տարբերվում չպատվաստված, պատվաստված և վերապատվաստվածների միջև։
Omicron-ի նոր տարբերակի հետ կապված իրավիճակը տագնապի նոր ալիքի պատճառ չէ։ Հասկանալի է, որ SARS-CoV-2 վիրուսի էվոլյուցիան Omicron-ում կախարդական կերպով չէր ավարտվելու։ Վիրուսի էվոլյուցիան շարունակում է շարժվել դեպի ավելի մեծ վարակիչություն, մինչդեռ դեպքի ընթացքն ավելի ծանր չի դարձել։ Հետևաբար, ավելի շատ մարդիկ կհիվանդանան ավելի վարակիչ շտամով, իսկ այն երկրներում, որտեղ դեռ կա Omicron հիվանդությունների ալիքը, ավելի արագ կձևավորվի իմունային շերտ։
Թարգմանությունը` Medmedia.am-ի
