Առողջապահության համաշխարհային կազմակերպությունը մարդկանց հորդորում է հնարավորության սահմաններում վերանայել տոնական օրերի պլանները՝ պաշտպանվելու համար աշխարհում արագորեն տարածվող Օմիկրոն շտամից։ Այս մասին հայտնում է BBC-ին։
«Միջոցառումները չեղարկելն ավելի լավ է, քան կայնքի կորուստը։ Նախընտրելի է չեղարկել տոները հիմա և դա անել հետո, քան հիմա նշել, իսկ հետո տխրել»,-ասել է ԱՀԿ ղեկավար Գեբրեյեսուսը։
Նրա խոսքով՝ նոր շտամն ավելի արագ է տարածվում և վարակում պատվաստված, ինչպես նաև նախկինում վարակված մարդկանց։
«Ներկայումս կան հստակ տվյալներ, որ Օմիկրոն շտամը ավելի արագ է տարածվում քան Դելտա շտամը և պատվաստված կամ նախկինում վարակված մարդիկ, մեծ հավանականությամբ կարող են նորից վարակվել»,-ասել է նա։
ԱՀԿ ղեկավարը նաև հայտնել է, որ 2020 թվականին Covid 19-ից մահերի թիվը գերազանել է ՄԻԱՎ-ից, մալարիայից և տուբերկուլյոզից մահացածների թիվը միասին վերցրած։
ԱՄՆ իշխանությունները հայտնում են, որ Օմիկրոն շտամն արդեն ամենատարածվածն է ԱՄՆ-ում, ընդհանուր վարակվածների երեք քարորդն վարակված է նոր շտամով։ Իսկ նախօրեին Տեխաս նահանգում գրանցվել է Օմիկրոն շտամից մահվան առաջին դեպքը։
Նյութն ամբողջությամբ՝ այստեղ։
Թարգմանությունը՝ Medmedia.am-ի։
