Ֆինլանդիայում հաստատվել Է կորոնավիրուսի օմիկրոն շտամով վարակման երկու նոր դեպք. ընդհանուր թվաքանակը հասել Է իննի: Այդ մասին, ինչպես տեղեկացնում Է «Արմենպրես»-ը, դեկտեմբերի 7-ին հաղորդել Է Առողջապահության եւ սոցիալական զարգացման ազգային ինստիտուտը (THL):
«Ֆինլանդիայում հաստատվել Է կորոնավիրուսային ախտահարման երկու նոր դեպք, որոնք պայմանավորված են օմիկրոն տարատեսակով: Վարակման երկու դեպքերը գրանցվել են Հելսինկիի եւ Ուուսիմաայի (HUS) հիվանդանոցային շրջանում: Այդ մարդիկ վերջերս եղել են Հարավային Աֆրիկայում եւ Նիգերիայում»,-ասվում Է հաղորդագրության մեջ:
Այսպիսով, ընդամենը Ֆինլանդիայում գրանցվել Է ընդհանուր առմամբ օմիկրոն շտամով վարակման ինը հաստատված դեպք: Բացի մայրաքաղաքային տարածաշրջանից, ախտահարումներ են արձանագրվել Հարավարեւմտյան Ֆինլանդիայում եւ Հյուսիսային Սավոյում:
Դեկտեմբերի 7-ի տվյալներով, Ֆինլանդիայում կորոնավիրուսի դեմ երկու չափաբաժնով պատվաստում Է ստացել բնակչության 82,2 տոկոսը, մեկ չափաբաժին ստացել Է 87 տոկոսը, երեք չափաբաժին՝ 7,5 տոկոսը, հաղորդել Է ՌԻԱ Նովոստի գործակալությունը:
