Նյու -Յորքում արձանագրվել է բժշկությանը հայտնի հազվագյուտ դեպք: 38-ամյա նյույորքցին երկար ժամանակ բողոքել է քթով շնչելու հետ կապված խնդիրներից։ Հետազոտության ժամանակ բժիշկները տղամարդու քթի մեջ ատամ են հայտնաբերել:
Բժիշկները ռինոսկոպիայի միջոցով պարզել են, որ տղամարդու քթանցքներից մեկում ատամ է «աճել», որը շնչառության խանգարումից բացի, այլ անհարմարություն ու ցավ չի պատճառել, հայտնում է Daily Mail-ը։
Պարզվել է, որ դա 14 միլիմետր երկարությամբ ոչ ճիշտ տեղում աճած էկտոպիկ ատամ է։
Իրականացվել է վիրահատություն, ատամը հեռացվել է։ Շատ չանցած՝ շնչառական խնդիրները վերացել են։
