Հատուկ հակացուցումների բացակայության դեպքում օրական երկու հավի ձու ուտելը աներևակայելի օգտակար է մարդու օրգանիզմի համար:
Մասնավորապես, օրվա ընթացքում երկու հավի ձու ըդունելու դեպքում օրգանիզմը կստանա խոլինի օպտիմալ քանակությունը՝ ֆոսֆոլիպիդների բնականոն գործունեության համար անհրաժեշտ նյութ, որն ապահովում է ուղեղի բջիջների ճիշտ աշխատանքը, կարծում են մասնագետները: Հարկ է նշել, որ խոլինի անբավարարությունը կարող է հանգեցնել հիշողության թուլացման:
Բացի այդ, հավի ձուն պարունակում է B վիտամինների համալիր, որոնք ապահովում են մաշկի, եղունգների, մազերի, ինչպես նաև նյարդային համակարգի առողջությունը: B վիտամինի հագեցվածության պատճառով հավի ձվերը շատ օգտակար են հղի կանանց համար: Դրանց առկայությունը սննդակարգում նպաստում է պտղի կարմիր բջիջների և նյարդային խողովակի ձևավորմանը, ինչպես նաև պաշտպանում է երեխային մտավոր հետամնացությունից:
Լինելով մարմնի բջիջների համար անհրաժեշտ սպիտակուցային և ամինաթթուների մեծ աղբյուր, հավի ձուն օգնում է դանդաղեցնել ծերացման գործընթացը: Հոլանդացի գիտնականների կողմից իրականացված փորձերը ցույց են տալիս, որ ձվի սպառումը նպաստում է նույնիսկ կնճիռների հարթեցմանը:
