Գլխավոր էջ Նորություններ Եվրահանձնակատարը հայտնել է, որ ԵՄ-ն շուտով կփոխի իր սահմանների հատման կանոնները Covid-ի...

Եվրահանձնակատարը հայտնել է, որ ԵՄ-ն շուտով կփոխի իր սահմանների հատման կանոնները Covid-ի պատճառով

55
0

Առողջապահության հարցերով եվրահանձնակատար Ստելլա Կիրիակիդեսը հայտարարել է, որ ԵՄ սահմանները հատելու կանոնները մոտ ապագայում կփոխվեն՝ կորոնավիրուսի տարածման հետ կապված իրավիճակի հետ պատճառով, փոխանցում է ՏԱՍՍ-ը։

 

«Ձմեռը շատ ծանր է լինելու»,- նշել է նա հինգշաբթի իսպանական La Razon թերթում հրապարակված հարցազրույցում: «Դեկտեմբերին եւ հունվարին հիվանդանոցները շատ ծանրաբեռնված են լինելու»: Եվրահանձնակատարի խոսքով՝ այն երկրները, որտեղ բնակչության 80 տոկոսից քիչն է պատվաստված կորոնավիրուսի դեմ, ստիպված կլինեն լուրջ միջոցներ ձեռնարկել վարակը զսպելու համար։

 

«Մի քանի օրից ԵՄ սահմանները հատելու կանոնները կփոխվեն»,- վստահեցրել է Կիրիակիդեսը` չհստակեցնելով, թե ինչ փոփոխությունների մասին է խոսքը։ Նա կրկնել է կորոնավիրուսի դեմ պատվաստման կարեւորությունը. «Իսկ հետո յուրաքանչյուր պետություն ինքնիշխան է՝ վճռական միջոցներ ձեռնարկելու համար»,- ընդգծել է եվրահանձնակատարը։

 

 

ԹՈՂՆԵԼ ՊԱՏԱՍԽԱՆ

Խնդրում ենք մուտքագրել Ձեր մեկնաբանությունը
Խնդրում ենք մուտքագրել ձեր անունը այստեղ