Առողջապահության նախարարությունը, Առողջապահության համաշխարհային կազմակերպության աջակցությամբ, ամրապնդում է երկրում արտակարգ իրավիճակների պատրաստվածությունը։
Այդ նպատակով ստեղծվել և վերապատրաստվում է արտակարգ իրավիճակներում առաջնային բժշկական օգնության, վիրաբուժության, վերակենդանացման և անզգայացման ոլորտներում մեծ փորձ ունեցող բուժաշխատողներից կազմված դասընթացավարների ազգային թիմը։
Առողջապահության ազգային ինստիտուտի հետ համատեղ կազմակերպվող կարողությունների զարգացման դասընթացները ներառում են Հիմնական և անհետաձգելի բուժօգնության տրամադրում (Basic Emergency Care) և Մեծաքանակ տուժածների բուժօգնության կառավարում (Mass Casualty Management) թեմաներով վերապատրաստումներ։
Դասընթացավարների ազգային թիմը արտակարգ իրավիճակների պատրաստավածության վերաբերյալ դասընթացներ կանցկացնի Հայաստանի տարածքում, ինչպես նաև կաջակցի տարածաշրջանի այլ երկրներին: