Հակամանրէային կայունության դեմ պայքարի համաշխարհային շաբաթվա շրջանակներում ՀՀ առողջապահության նախարարությունը և ակադեմիկոս Է. Գաբրիելյանի անվան Դեղերի և բժշկական տեխնոլոգիաների փորձագիտական կենտրոնը, Առողջապահության համաշխարհային կազմակերպության հետ համագործակցությամբ կազմակերպել են աշխատաժողով` հիվանդանոցային և հիվանդանոցներից դուրս դեղատներում աշխատող դեղագործների-դեղագետների համար ։
Աշխատաժողովի ընթացքում մասնակիցները ծանոթացել են Հայաստանում գործող հակամանրէային դեղերի դուրսգրմանը և բաշխմանը վերաբերող կանոնակարգերին, ինչպես նաև քննարկել հակաբիոտիկների սպառումը տեղական շուկայում՝ հիմնվելով Հայաստանի համայնքային դեղատներում հակամանրէային դեղերի մատակարարումը ուսումնասիրող հետազոտության արդյունքների վրա։