ԵՊԲՀ ալերգոլոգիայի և իմունոլոգիայի ամբիոնի վարիչ Արմինե Հակոբյանն այսօր՝ նոյեմբերի 19-ին, լրագրողների հետ հանդիպմանն անդրադարձավ ալերգիաներ ունեցող մարդկանց պատվաստման հարցին։ «Բավականին մեծ է մարդկանց այն տոկոսը, ովքեր դիմում են մեզ՝ ալերգոլոգներիս՝ ասելով, որ ունեն այս կամ այն ալերգիկ հիվանդությունը և ունեմ հակացուցում պատվաստման վերաբերյալ։ Անդրադառնալով այդ փաստին, ուզում եմ նշել, որ ունենք Առողջապահության համաշխարհային կազմակերպության կողմից առաջարկվող գործելակարգ՝ հակացուցումների և ցուցումների վերաբերյալ և որպես բացարձակ հակացուցում հանդիսանում է միայն առաջին դեղաչափից հետո առաջացած ալերգիկ ռեակցիան, որը հաջորդ դեղաչափի համար կարող է լինել հակացուցում»,-հայտնեց Հակոբյանը։
Մանրամասները՝ տեսանյութում։
