Հայաստանում պատվաստումային գործընթացը շարունակվում է,սակայն ըստ շատ մասնագետների՝ վերջինիս պարտադրանքը չի իրականացվում ճիշտ թիրախային խմբի վրա։ Ան-ի որոշմամբ՝ հոկտեմբերի 1–ից պատվաստումը պարտադիր դարձավ աշխատող անձանց նկատմամբ։ Թեպետ, նրանք ասում են, որ կա այլընտրանք՝ չես ուզում պատվաստվել, թեստավորվիր։ Ըստ համաճարակաբան Էդուարդ Հովհաննիսյանի՝ մեզ մոտ մահանում են 60-ից բարձր տարիքի անձինք, իսկ մենք պատվաստում ենք աշխատող անձանց։ «Մեզ մոտ առաջացրին մեծ հերթեր, մենք խթանեցինք այդ հերթերով վարակի տարածման պրոցեսին։ Եթե մարդը այդ հերթում վարակվում է և հետո պատվաստվում, այսինքն պատվաստումն ու վարակումը տեղի է ունենում միաժամանակ, հիվանդությունը կարող է ընթանալ շատ ավելի ծանր»,-նշեց Հովհաննիսյանը։
Համաճարակաբանը կարևոր մի փաստ ընդգծեց․ պատվաստումն առաջացնում է կեղծ ապահովվածության զգացում․ «Քարոզարշավն այնպես գնաց, կեղծ թեզեր բարձրացվեց, որ եթե դու պատվաստվում ես,դու քեզ ես պաշտպանում ու քո հարազատին։ Այս կեղծ ապահովվածության զգացումը բերում է նրան, որ մարդիկ սկսում են արդեն ավելի քիչ զգուշանալ։ Եվ մեզ մոտ, համաճարակի մեջ սկսեցին ընդգրկվել այն մարդիկ, որոնք այս մեկ ու կես տարի շատ մեկուսացած ու զգույշ էին ապրել, բայց քանի որ իրենք արդեն հոգնել էին այդ մեկուսացած վիճակից, իրենք սկսում են շփվել պատվաստված մարդկանց հետ՝ կարծելով, որ դա անվտանգ է, և վարակվում են»։
Համաճարակաբանի պնդմամբ՝ մենք այդտեղ էլ կունենանք մահացության մեծացում, որովհետև շատ մեծ ռիսկի խմբերն են արդեն շփման մեջ մտնում պատվաստված մարդանց հետ, որոնք որ չի բացառվում, որ կարող են վարակվել և վարակել։ Հովհաննիսյանի խոսքով՝ պետք է նախ և առաջ հանել այս պարտադրանքի հարցը, որպեսզի մարդիկ գիտակցաբար պատվաստվեն, և ամենակարևորը՝ պետք է մահերը վերլուծել՝ հասկանալու, թե ինչու՞ են մեզ մոտ մահանում մարդիկ։
Օֆելյա Պողոսյան
